Jo aakhirat ki taiyyari kare, woh aqalmand.

 

Hazrat Abdullah Bin Umar RadiyAllahu Anhu Ne Farmaya : 

Main Rasoolullah [ﷺ] Ki Khidmat Mein Hazir Tha Ki 
Ek Ansari Sahabi Aae, 
Unhon Ne Aap [ﷺ] Ko Salam Kiya, Phir Kaha : 
Allah Ke Rasool! 
Mominon Mein Sabse Behtar Kaon Hai? 
Aap [ﷺ] Ne Farmaya : 
Jiska Akhlaaq Zyada 
Achchha Ho. 

Phir Unhon Ne Puchha : 
Kaonsa Momin Zyada 
Aqalmand Hai? 
Aap [ﷺ] Ne Farmaya : 
Jo Maot Ko Sabse Zyada
Yaad Kare Aor 
Maot 
Ke Baad Ki Zindagi Ke Liye 
Taiyyari Kare Woh Sabse Aqalmand. Hai. 

▪︎ Ibn-e-Majah 4259